اڪبر لغاري
اڪبر لغاري
اڪبر لغاري
اڪبر لغاري: مشھور اديب، نقاد ۽ ڪھاڻيڪار، اڪبر لغاريءَ جو جنم، 30 نومبر 1963ع تي ڀاڻوٺ ڀرسان ڳوٺ ٽالھي خان لغاري، تعلقي هالا، ضلعي مٽياريءَ ۾ ٿيو. ابتدائي تعليم ڳوٺ ۽ هالا مان حاصل ڪرڻ کان پوءِ 1988ع ۾ سنڌ يونيورسٽيءَ مان اڪنامڪس ۾ ايم. اي ۽ سنڌ مسلم لا ڪاليج ڪراچيءَ مان 2003ع ۾ قانون جي ڊگري (LLB) حاصل ڪئي. اڪبر لغاري شروع ۾ تعليم کاتي ۾ JST مقرر ٿيو. 1991ع ۾ سنڌ پبلڪ سروس ڪميشن جو امتحان پاس ڪري گورنمينٽ پاڪستان ڪاليج سعيدپور ۾ ليڪچرر مقرر ٿيو. 1992ع ۾ سنڌ پبلڪ سروس ڪميشن جو گڏيل چٽاڀيٽيءَ وارو امتحان پاس ڪري اسسٽنٽ ڪمشنر مقرر ٿيو. 2002ع ۾ ترقي ماڻي ڊپٽي سيڪريٽري، 2007ع ۾ ايڊيشنل سيڪريٽري ۽ 2014ع ۾ سيڪريٽري ٿيو. ان دؤران اي ڊي او روينيو ڄام شورو، ڪمشنر حيدرآباد، ڊي سي او عمرڪوٽ ۽ لاڙڪاڻي جو ڪمشنر رهيو، جڏهن ته 2016ع کان 2021ع تائين ثقافت کاتي جو سيڪريٽري رهيو. ٻه ڀيرا سنڌي ٻوليءَ جي بااختيار اداري جو نگران چيئرمئن ۽ تعليم کاتي جو سيڪريٽري رهيو. اڪبر لغاري لکڻ جي شروعات 1992ع ۾ ڪئي. سندس ڪيترائي مضمون ۽ مقالا مختلف اخبارن ۽ رسالن ۾ ڇپجندا رهن ٿا. اڪبر لغاري جتي به رهيو آهي، اتي ادبي سرگرمين کي هٿي وٺرائي آهي. پنھنجي ڳوٺ ۾ ’علامه آءِ آءِ قاضيءَ‘ جي نالي سان لائبرري قائم ڪرڻ کان سواءِ مانجهند شھر ۾ ’استاد حيدر علي خان لغاري لائبرري‘ ۽ روحل واءِ عمرڪوٽ ۾ ’حليم باغي لائبرريءَ‘ جو بنياد وڌو. لاڙڪاڻي ۾ ڪمشنر هجڻ دوران سنڌ آرٽس ڪائونسل آف پاڪستان لاڙڪاڻي جو صدر رهيو. اڪبر لغاري شاهه عبداللطيف ڀٽائي ۽ شيخ اياز بابت ڪانفرنسون پڻ ڪرايون آهن. بحيثيت نقاد، هن ڪيترن ئي ناولن تي تنقيدي مضمون لکيا آهن. سندس ڇپيل ڪتابن ۾: ’سنڌي ادب جو مختصر جائزو‘ (روشني پبليڪيشن: ڪيترائي ڇاپا)، ’فلسفي جي مختصر تاريخ‘ (2003ع)، ’ادبي تنقيد جي تاريخ‘ (ماءِ پبليڪيشن سکر: 2016ع)، ’ڪوي عمرڪوٽ جا‘ (2010ع)، ’عمرڪوٽ ايامن کان‘ (2010ع)قابل ذڪر آهن. سندس ادبي خدمتن عيوض کيس ڪيترائي اوارڊ پڻ مليا آهن.
لفظ اڪبر لغاريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1963.11-30 عيسوي
اڪبر لغاري 30 نومبر 1963ع تي تعلقي هالا ۾ پيدا ٿيو
شخصيتون - ڀاڱي جون ٻِيون داخلائون
بيگم فقيرياڻيتنوير انجم
رحيم بخش خان بوزدار سردار
عبدالفتاح عابد لاشاري
امام راشدي
نيٻراج سنگهه سوڍو ڀڳت
حسين بادشاهه
نرنجن دوداڻي ڊاڪٽر
ڊي پي شرما
شـمس جـعـفـراڻي